اتهمه بالسب والضرب في أعراض الناس.. طاليس يثير الجدل بتدوينه يهاجم فيها فنانا مشهورا
أثار الفنان الكوميدي طاليس الجدل على مواقع التواصل الاجتماعي، خلال الساعات القليلة الماضية، بسبب تدوينة يهاجم فيها فنانا معروفا دون الكشف عن هويته.
وتساءل متابعو طاليس عن هوية الفنان، الذي وصفه طاليس بـ »باقي طامع فهاد فالدنيا اللي عاشها بالطول والعرض… وما كايشبعش ولا كايقنع من الفلوس ».
وجاء في تدوينة طاليس، التي نشرها على حسابه الرسمي على إنستغرام، عبر خاصية « ستوري »: « كبير فلعمر، وعندو اللي يغنيه على الدنيا ويفكر فآخرتو اللي ماوجد ليها والو من غير الضرب والسب في أعراض الناس ولكن باقي طامع فهاد فالدنيا اللي عاشها بالطول والعرض… ما كايشبعش ولا كايقنع من الفلوس … وحارب ومازال كايحارب طاشمة ديال الناس باش مايخدموش وخصوصا الشباب هوما كايخافو منو ولكن أنا لا… لأن الخوف من الله سبحانه وتعالى… أنا ماشي بحال لخرين… ما كانتسناك لا تخدمني ولاتعيط ليا لشي عمل حيت لا يشرفني العمل مع أمثالك هاد الشخص ما كايفرح ولا يتهنا حتى يسمع فضيحة على شي واحد ولا يقدر إيصنعها كاع عاد باش إيتهنا… ».
وتابع أن هذا الفنان « يقتات ويعيش على مصائب الناس وكايدير المستحيل باش إيبان زوين واخا أخبث منو ما كاين فينما تاحت ليه الفرصة فالتلفازة ولا فشي لقاء كايطيح الدموع باش يكسب التعاطف زعما أنا راه زوين وكنبغي الخير لكلشي ».
وهدد طاليس في تدوينته بالكشف عن هوية الفنان الذي يتحدث عنه، وتابع: « قريبا قسما بالله إلى قريبا غانسميه بالإسم والدلائل اللي هو شادها على عباد الله وكايهددهم بيها الفن أيها الفنان أخلاق واحترام للناس والنجومية لا تدوم وأنا موجود معاك للحرب اللي أنت بديتيها وباديها من شحال هادا أرا ماتصلح فليماج وتقاد وتزوق هادا إنذار أنا عارفو غايوصلك من السماسرية واللقايجية ولحاسين الكابة والمنافقين اللي كايخافو من شرك وخبتك اللي ماعندو حدود… ».
وأضاف: « أنا عطيتك موضوع باش طيس اليوم وتوجد لبلانات باش تزها الكلسة | لن أحترمك لأنك لا تحترم أحدا وقسما بالله حتى غانكون أنا سبابك ونرد ليك شوية من بزاف دلحوايج ضريتي بيهم الناس… يلاه حرك التلفونات وعيط للشباب وتصور معاهم وكتب شي بيت شعري بايت من ذاك الشي اللي كاتعرف دير ولا عيط لأشباه الصحافيين اللي خدامين معاك على قبلي مع احترامي للصحافيين النزهاء واللي عندهم مصداقية ومحتارمين تاريخك رغم إتساخه وكبر السن ديالك اللي أنت مامحتارموش وختاما أنا معاك حوروبات… حرب كانت غير علنية ولكنها ستصبح علنية ».
