احصلي على شعر طويل وقوي وبدون تساقط وريحة رائعة باستعمال الغاسول الطبيعي

طريقة صنع واستعمال الغاسول الطبيعي للشعر

 

غادي نبداو باول حاجة هي غاسول الدار المسقي بالاعشاب والكل كيعرف الفوائد

المكونات

نحتاجو ليه كيلو غاسول غادي تعرفوه من الصور لانو فيه انواع كتمشي عند العطار

وتختاري نوع راه كيكون ميدم بحال الشكلاط

ممكن تلقيه فكيس اخضر

الاعشاب من 2 دراهم حتى 5 دراهم الا بغيت ترتاحي وتصاوبيهم مرة وحدة تاخدي منهم الاقياس الي تحتاجيه فكيلو غاسول ومن بعد احتفضي بالباقي فعلبة حتى تبغي توجديه مرة اخرة

2 دراهم خزامى

2 دراهم قرنفل

2دراهم سنبل

2 دراهم ورد

2 دراهم ريحان

تم باش نخلطوه ماء غليان

طريقة التحضير

كنطحنوهم ونغربلوهم ونديرهم فشي علبة بلاستيكية او حتى كيس بلاستيكي

ندوزو الغاسول اما تحكوه فحكاكة ولكن تكون حديد او تكرطوه غير بالموس ولكن يكون رقيق

ومن بعد تستفوه فلاطات وتحطوه فالشمس فالصباح والعشية تحيدوه

دابا باش نسقيوه تاخدي كقصرية او بانيو يكون كبير وتوضعي فيه الغاسول وكتضيفي عليه 3 معالق كبار من من الاعشاب الي طحنتي والقرنفل الا كنتي اخديتي 2 دراهم عمليها كاملة رشي ديك الاعشاب على على الغاسول

وتكوني طيبتي مقراش ديال الماء مزيان قبل ماتبدي انا عبرت كمية ديال الماء الي تحتاجوها فكيلو ديال الماء غير باش نسهل عليكم تحصلو على نفس النتيجة تنحتاجو ل13 كاس ديال العنبة ديال الماء طايب ولكن مضيفوهاش كاملة ضيفو شوية بشوية مع الخدمة باليد تبقاو تحكوه بيدكم بحال ملي كنعملو شي صابلي يعني كتخدمي بيديك حتى كتحسي بيه بحال الكريم ومبقاتش حتى حصى من الغاسول ونتي كضيفي الماء حتى تسالي الكمية الي عندك ديال الماء ومن بعد تاخديها وتعمليه فشي لاطة مرة اخرة وتسرحيه فيها ولكن تكون الطبقة رقيقة ماشي غليضة باش داغي يوجد غادي تحتاجي كثر من لاطة

ولكن ملي تيبس كيقلال هد المعلومة غير باش ملي طلعي السطاح وخليه فالشمس والعشية حيده من السمرة او خليهو غطيه بشي حاجة حتى الصباح لانو كيحتاج حتى اربع ايام يعني متبقايش طالعة نازلة متقلة بيه خليه فشي بليصة مغطية من السمرة او انتي غطي بشي حاجة حتى الصباح وعرضيه تاني للشمس حتى كيولي لونو بيض

مواضيع ذات صلة