الحكمة كربوبي ترد على الانتقادات: الكوزينة ماشي معيورة وأنا كنبدع فكوزينتي وكنفتخر بها! (فيديو)
“الكوزينة ماشي معيورة وأنا كنفتخر بكوزينتي”… بهذه العبارة ردت الحكمة بشرى كربوبي، عن انتقادات بعض الجماهير على لفظ ”كوزينتك”.
وعبرت كربوبي خلال استضافتها في برنامج “مع الرمضاني”، عن فخرها بمهنتها كأم وزوجة وشرطية وحكمة.
وقالت كربوبي “كوزينتي من نهار دخت لهاد الميدان وأنا كنسمعها ماشي حاجة عيب هما بغاو يأثرو عليا كامرأة بكوزينتك”.
وأضافت “الكوزينة ماشي عيب، الكوزينة كيوقفو فيها أمهاتنا فرمضان حتى كيتشققو ليهم الرجلين وكيوجدو لينا وكيوكلونا… أنا ما عنديش عيب ولا نحشم منها”.وتابعت “أنا فالدار أم وزوجة وكنبدع فكوزينتي وكنطيب وكنفتخر بها، أنا فالخدمة ديالي شرطية وأفتخر وفالملعب أنا حكمة”.
وشددت على أن “الرجال حتى هما ماشي عيب يدخلو للكوزينة، حيت كنشوفو ناس اللي ساكنين بوحدهم وبعاد على واليديهم كنلقاو الراجل كيدخل للكوزينة وكيوجد لراسو الماكلة”.وختمت حديثها بالقول “الكوزينة ماشي معيورة والطموح ديالي مستمر وولات عندنا مناعة ديال هاد الكوزينة”.
وداد القاسم
