الرزيزة بالماكينة

 من إقتراح لالة الحادكة أم رياض

 

المقادير :

700g دقيق فرص رطب

300g دقيق سبيسيال أو الفينو

ملح

ماء بارد

250g مركرين

1 ك ص زيت المائدة

قليل من دقيق الفرص الرطب

 

الطريقة :

نضع الدقيق و الملح و نجمعه بالماء تكون عجين قاصحة

نضع العجين في بلاستيك و نغطيه بي منديل كل مابقى في الميكة كل ماسهل علينا ندلكوه ممكن يبات ليلة كاملة أنا خليته غير 2h

و من رجعليه جبرته طالق راسه و كيطرطق غير بحده

نخدوه و ندلكوه مزيان بلا منضيفه الماء حيت العجينة خاصها تكون صلبة

من بعد نقسمه العجين حرابل و نغطوهوم بالبلاستيك بلا منذهنوهم بحتى حاجة

نذوب الزبدة و نضيف لها الزيت

نأخد قطعة من العجين و نرشها بالدقيق مزيان و نطلقها قليلا بالمدلاك

نخأد 4 قطع و نطلق الأولى و نعمل فها 2 و 3 و 4 و دائما مع رش الدقيق و نغطيها باش متشرقنش

نأخد القطعة الأولى و نطلقها بالماكينة على جيها دال دليك العجين الماكينة كنت مرايكلاها على رقم 2 حتى نكمل 4 ديال القطعة لي عندي

من بعد ناخد كل قطعة و ندهنا بالزبدة و الزيت من الجهتين بجوج يعني من الفدام و من الوراء

من بعد ندوزها في الماكينة من جهة ديال الرزيزة ندوزه 1 ونحطها فوق طاولة طويلة و ندوزه 2 و 3 و 4 و نحطوهم وحدة حدى وحدة

من بعد نخده أول وحدة ساليناها كتكون رخات راسها و كنبقاو نمدها بيدنا شوية حتى كترقاق مكنمدوش خيط بخيط و إنما كنمدده القطعة كلها من كمدده 1 كندوزه لي 2 و 3 و 4 بالتوالي

من بعد نخده 1 و نلووها على قرعة ديال الجاج أو على مدلك حنى كنلويو و حنا كنسرحها باش تزيد ترقاق و إلى شفنا باقة خاصها الزبدة كنزيد ندهنها أنا شخصيا مكنزدهاش الزبدة حيت في الأول كنعملها زبدة كافية

من بعد كنسلتوها من القرعة و نغطيوها بالبلاستيك و نخليوها ترتاح و كندوزه لويو 2 و 3 و 4 حتى كنكملهم و نغطوهم و نخليوهم يرتاحة و نعاوده عملية مرة أخرى 4 قطع بي 4 حتى يتساللنا العجين لي عدنا

من كنكمله العجين لي عدنا كنبداو بأول وحدة عملناها كن قرصها بيدنا شوية و كنطيبها في المقلة حتى كتحمر من جوج جيهات

من كنطيبو الرزيزا كلها كناخده برمة ونعمله فيها الماء يغلى و كنفوره الرزيزة ديالنا غير يطلع فيها لفوار من التحت نقلبها على لوجه لاخر غير يطلع فيه الفوار حتى هو و نحدها ( هذا هو السر لي كيخلي رزيزة تجي فتية و بنييييينة و رطبة ) و نحلها شوية بيدينا دغيا كتحل و لكن نخلوها شادة فرمة ديالها من بعد هذه المرحلة يمكن لنا نجمدها و قتاش محتجناها نجبدها من المجمد و نخلوها تطلق راسها و نعاوده نفورها و نقدمها

و يمكن لنا نقدمها مباشرة مع العسل

مواضيع ذات صلة