بعدما هاجموها ووصفوها بـ »المغرورة ».. دنيا بطمة تدافع عن منال بنشليخة

تحولت الفنانة المغربية الشابة منال بنشليخة إلى حديث الصحافة المغربية ورواد مواقع التواصل الاجتماعي، بعد تصريحاتها خلال الندوة الصحافية التي عقدت أمس الأربعاء (26 يونيو)، على هامش حفلها في مهرجان موازين.

ويتعلق الأمر بطريقة تعامل بنشليخة مع بعض الصحافيين المغاربة خلال الندوة، والتي اعتبرها البعض تكبراً، خاصة أنها رفضت إجراء أي لقاء معهم، بينما دافع آخرون عن منال وتفهموا موقفها.

تجارب سيئة مع الصحافة
وعبرت صحافية مغربية خلال الندوة، عن استيائها من طريقة تعامل المغنية الشابة مع الصحافيين، موضحة في تدخلها أن الصحافة المغربية « كانت من بين أسباب الشهرة التي تعيشها منال اليوم ».

وردا على تدخل الصحافية، نفت بنشليخة أن تكون قد تعاملت بطريقة غير جيدة مع الصحافيين، وبررت سبب رفضها للقاءات الصحفية بسبب تجاربها السيئة مع بعض المنابر الإعلامية.

وخلق هذا الموضوع جدلا على مواقع التواصل الاجتماعي، وانقسمت الآراء بين أشخاص عبروا عن استيائهم من تصرفات وتصريحات بنشليخة خلال الندوة، وآخرين دافعوا عنها.

باطمة تدافع
ودخلت الفنانة المغربية دنيا بطمة على الخط، ودافعت بشراسة على منال بنشليخة في منشور لها على انستغرام، واستعانت بفيديو لفرقة كورية تغني أغنية لمنال، التي قالت عنها باطمة إنها فنانة ناجحة.
وأرفقت بطمة منشورها بتدوينة طويلة جاء فيها: « أنا لا أعمم بكلامي على كل الصحافيين بل موجه فقط لبعض الصحافيين اللي ما كنسميهمش صحافيين كنسميهم القلم الذي يكتب ما يحلو له ينقل الخبر حتى بدون أن يتأكد من صحته وهاز ميكروه ويجري من درب لدرب ومن زنقة لزنقة ومن سوق لسوق، أما الباقي راه عارف راسو يمتهن الصحافة بأخلاقة وبقلمه الذي لا ينقل لنا سوى الصدق والحقيقة ».

وأضافت: « كيقولك ملي كتطيح البقرة كيكثرو الجناوة وحتى اللي ما دارش مع منال حوار ولا باغي يهضر.. بخصوص أنت ما ناجحاش وما واصلاش، منال كوّن كانت ما واصلاش وما سطعش نجمها فالستيل ديالها ما غاديش توصل أغنيتها عند الكوريين، هادي وحده، ثاني حاجة بخصوص أنه كون ما الصحافة كاع ما يطلعو الفنانين، أعتذر فكون ما سطعش نجم الفنان وما خدمش على راسو ما كنتوش غادي تهضرو عليه أصلا وما كنتوش غادي تعطيوه وقت ».

واسترسلت: « أما بخصوص الجواب فهي هضرات بالفرنسية ولا بالانجليزية كاع بالعكس كنشوفها مثقفة ومؤدبة، ولكن حنا ديما خاصنا نحكرو على بنادم هي حرة ما تهضرش فحياتها الخاصة نهار بغات توري للناس زوجها وعرسها وراتهم ونهار ما بغاتش تهضر فالحمل هي حرة، وإذا ما بغاتش دير حوار هي حرة يمكن عندها شي مشكل يمكن الوقت ما مناسبش، يمكن كتمر بأوقات صعبة، هي اللي تقرر إمتى تهضر وإمتى ما تهضرش ».

احترموا خصوصيات الفنان
وقالت باطمة: « ولكن أنا شخصيا كنعرف تحالف بعض الصحافة ملي كيبغيو يرجعو الفنان خايب واخا هو ما دار والو فعلا، فموازين ندوة صحافية على الفن وعلى المهرجان ماشي على شحال نقصتي فوزنك أشنو نفختي أشنو فشيتي، كاين اللي شحال هادي ما دار ندوة صحفية وقشب معاكم فندوة موازين فمواضيع تافهة، بمعنى أصح دوز بيكم الوقت حيت ما كينش عندو الجديد، وكاين اللي بغا يهضر فقط على الفن ويوصل لفانزو الجديد، وهادا من حقو، ولى خاص بنادم يلحس الكابه باش يتسمى ضريف ومؤدب، الله يعفو، كيف ما كتبغيو الفنان يحترمكم احترمو خصوصياته، أرفع لك القبعه منال كوني أنت فقط ».

وواصلت: « باراكا ما طيحو بولاد بلادكم، ياما تقمعتو من عند إليسا واللائحة طويلة، ولكن علامة استفهام علاش ديما كتحكرو غير على الدراري اللي يلاه باديين وغاديين مزيان، ولا حيت هيا جاوبات بالفرونسي ولا الانجليزي جاتكم قليلة الأدب السيدة قارية ماشي دقات الباب وعطاوها ورقه مكتوب فيها دبلوم، اه ولا كان خاصها تهضر باللبناني باش تكون كلاس؟ فعلا شي مؤسف ويجب أن نحدث العقل بما يعقل ».

وختمت تدوينتها بالقول: « وإذا منال باقي ما وصلاتش وهي كيعرفها المغرب وعندها فانزها هادا يعني أن بزاف ديال الفنانين معروفين غير فالمغرب تاهوما قولو عليهم ما واصلينش، فعلا بقات فيا، هجوم عليها فقط لأنها تتكلم في حدود وما باغاش تكلم على خصوصياتها ».

منال ترد
وتفاعل كثيرون مع منشور النجمة المغربية، فعلقت إحداهن « إذا غاب الأدب والأخلاق وحسن الحوار غاب كل شيء.. هي تكبرات بزاف وولى فيها الغرور وأنت عارفة هاد الشي ما كيوصلش الفنان دغيا كيطفى ».
وردت عليها بطمة بالقول: « ما يشعرني بالاستياء هو الحكم على البشر دون التقرب منهم أو التعرف على شخصيتهم عن قرب.. أنت غير سامعة شفتي شي حاجة؟ ».
وشكرت منال بنشليخة في تعليق لها على منشور بطمة، زميلتها الفنانة التي عبرت عن دعمها ومساندتها لها.

مواضيع ذات صلة