بعد أن دام ربع قرن.. رشيد الوالي يكشف سر نجاح واستمرار زواجه
كشف الممثل رشيد الوالي عن السر وراء نجاح واستمرار علاقته الزوجية لمدة ربع قرن.
ونشر الوالي على صفحته الرسمية على إنستغرام، صورة من الأرشيف ليوم عقد قرانه على زوجته، أرفقها بتدوينة يجيب فيها عن أسئلة حول زواجه.
وكتب الوالي: « مافيها باس ننشر للمتابعين ديالي انا وابتسام هاذ الصورة ديال ضريب الصداق ديالنا. غادي يقول البعض كانو صغار. معلوم وخا غير لبارح ليوم كيمضي على زواجنا خمسة وعشرين سنة. ربع قرن واش كانت كلها زوينة؟ هذا سؤال صعيب الجواب عليه، حيت حتى علاقة مكتكون ساهلة من الأول، ولكن مع الوقت كلشي كنشوفوه زوين حيت كنقارنوه مع النتيجة وبلا حب وصبر ومودة وتفهم الطرفين والتسامح، عمر هاد الشي مكان يمكن يستمر ».
وتابع: « سؤال آخر واش كون كانت تتعاود غادي نعاود نفس الإختيار ؟؟ …الجواب هو لا منقدرش حتى نفكر فيها …حيت كنعتابر أن الله اللي جمعنا وهو اللي ختار ليا ودارها على طريقي ودارني فطريق ابتسام.. حيت كنا مختالفين بزاف لهذا اختياري كان غادي يكون مبني على أشياء كتزول مع الوقت… كنحمد الله على أنه جمعنا وحنن قلب كل واحد على لاخر، لدرجة الحياة بلا ابتسام كانت غادي تكون فشكل آخر .. شكرااا حبي على كل مدرتيه وصبرتيه وزرعتيه باش تستمر علاقتنا وزواجنا واحترامنا لبعضنا ».
وختم تدوينته: « سليم وآدم هدية من الله ونتمنى نكون فمستوى الهدية والأمانة اللي بين يدي حتى يوفى الأجل، وأخيرا شكرا لكل من قال كلمة زوينة ولا تشجيع و لا صلح بيناتنا فشي نهار كنا محتاجين ليه.. فمن لم يشكر الناس لم يشكر الله، كل سنة وأنت جميلة ابتسامتي ».
يذكر أن الوالي حريص في كل مرة على التعبير عن حبه لزوجته وإبراز قوة علاقتهما، في عدة منشورات على حساباته على مواقع التواصل الاجتماعي.
