بعد فوزها بلقب المسابقة العالمية “أطروحتي في 180 ثانية”.. جيهان كنفاوي توجه رسالة مؤثرة إلى المغاربة

تمكنت المغربية جيهان كنفاوي، أمس الجمعة (7 أكتوبر)، من الظفر بلقب المسابقة الدولية “أطروحتي في 180 ثانية” في كندا، عن جامعة محمد بن عبد الله في فاس.

وعرفت المسابقة مشاركة 20 شخصا يمثلون مجموعة من الدول، من بينهم جيهان التي كانت ممثلة المغرب الوحيدة في هذه المنافسة، التي تقوم على مدى إمكانية شرح موضوع أطروحة الدكتوراه في مدة قصيرة لا تتجاوز 180 ثانية.

‏IMG_7490
وعبرت جيهان في تصريح لمراسلة إذاعة “ميدا راديو” في كندا، عن فخرها واعتزازها بهذا التتويج، وقالت: “فخورة أن الجمهور تاق فيا خصوصا هنا وسط بلاد ماشي فبلادك، وجمهور مختلف وديانات مختلفة وجنسيات مختلفة، عجبهم التقديم ديالي وتاقوا فيا”.

وتحدثت جيهان عن اطروحتها قائلة: “درتها حيت أول مرة غتتخدم فالمغرب، أنا خدمت على واحد المرض اللي كيقيس العنب فالمغرب، وهو مرض اللي لحد الان ما كاينش الدواء ديالو، وأنا كنحاول من خلال الخدمة ديالي نلقى واحد التركيبة ديال الدواء أساسها كل ما هو طبيعي وبيولوجي”.

وعن تمكنها من تلخيص أطروحتها في 180 ثانية، قالت جيهان: “الأمر ماشي ساهل، باش تجمع الخدمة ديال 4 سنين في 3 ديال الدقايق، ما ساهلاش، وكيخصك ضروري تستعمل المهارات ديالك فالإلقاء، والحمد لله بفضل لي كوتش ديالي والناس اللي كانوا متبعين معايا من الأول قدرت نوصل الرسالة ديالي وناخد لقب الجمعور اللي تاقوا فيا”.

‏IMG_7491
وأضافت الطالبة بسلك الدكتوراه فالمغرب في FST FES والمدرسة الوطنية للفلاحة بمكناس، متحدثة عن طموحاتها: “طموحاتي هي نوصل الرسالة ديالي والعلوم تكون مفتوحة أمام كاع الناس وأنني نمثل الراية المغربية أحسن تمثيل، في جميع المنابر”.

وعبرت المتحدثة عن شكرها للجالية المغربية في كندا على دعمهم، موردة: “ما حسيتش براسي كاع باللي أنا على برا المغرب، لأن الدعم كان أكثر من رائع، وما نلقاش الكلمات اللي نقدر نوصف بها الجالية المغربية فكندا وكنشكرهم واحد واحد، وكنشكر كاع الناس اللي ساندوني ودعموني من نهار جيت لهنا”.

ولم يفت جيهان توجيه الشكر للمغاربة على تصويتهم، وقالت بتأثر شديد: “المغاربة اللي فالبلاد هوما راس المال، وبلا بيهم حتى هوما ما كنتش انوصل لهاد الشي، وكنشكر كل مغربي ومغربية وحتى باقي الجنسيات اللي صوتو عليا كنشكرهم”.

يشار إلى أن جيهان كنفاوي سبق وتوجت بالجائزة الوطنية في مسابقة “أطروحتي في 180 ثانية ” للتبسيط العلمي في نسختها الثامنة.

فرح الباز

مواضيع ذات صلة