تحضير رغايف معمرين بحشوة بسطيلة شهوة منهم
المقادير :
400غ دقيق فورص
ملعقة كبيرة زبدة
ملعقة زيت زيتون
شوية سكر
شوية ملح
نصف ساشي خميره الحلوى
وماء دافئ نجمعهم كلهم ندلكوها مزيان ونعمل كويرات صغار نغطيهم بميكه ونتركهم يرتاحو
الطريقة:
أخدنا نصف دجاجة كبيرة ثم نطهيها مع 2 بصلات كبار مقطعين صغار، شوية الزيت، سكنجبير ابزار، عود قرفه ملح ملعقه سكر و معدنوس قزبور، نسد عليهم حتى يطيب دجاج مزيان ويشرب المرق ونحيد لعظومه على دجاج، بالنسبة للبصلة من اﻷحسن مضيفيهاش كاملة حتى لا تتعجن بالداخل.
ونأخد كأس لوز نقشروه ثم نحمروه ويتطحن مزيان مرتين، أضيفي معاها ملعقه سكر وشويه قرفة، نأخد العجينة نسرحها مزيان ونتركها في الوسط شويه غليظة لكي يتم وضع عليها الحشوة ونضع شوية من دجاج وفوقها ملعقة لوز و كنرد عليها العجينه مثل مسمن، نعمل واحدة فقط وندهن شوية بالزبدة قبل منطويها الطية الاخيره ندهنهم بالبيض نحط فوقها اللوز التي عملت به الحشوه وندخلهم الفرن يكون ساخن.
