توصلت بأمر الالتحاق بالتجنيد.. حسناء بلعزيز سعيدة ومتحمسة لهذه التجربة!
توصلت الشابة المراكشية، حسناء بلعزيز، رسميا، بأمر بالالتحاق بالخدمة العسكرية من قبل الوزير المنتدب لدى رئيس الحكومة المكلف بإدارة الدفاع الوطني، وذلك بعدما كانت قد تقدمت بطلب تطوعي مباشرة بعد إطلاق عملية الإحصاء.
وعبرت حسناء، عن سعادتها بعد قبول طلبها للالتحاق بالمجندين، قائلة « فرحت بزاف ملي جاو عندي الناس اللي مكلفين وعطاوني استدعاء أمر بالالتحاق بالخدمة العسكرية والخبرة الطبية من قبل اللجنة المختصة ».
وأضافت: « فالأول كنت مقلقة ملي قريت أنهم غادي يديو فسنة 2019 الناس من 23 سنة حتى لـ25 وأنا ما زال ما وصلت لـ23 قلت واخا أول متطوعة يقدرو يقولو ليا لا ما زال ما وصلتي لـ23 سنة ما غاديش نديوك حتى كنتفاجأ بالناس اللي مكلفين جاو عندي لدار وعطاوني أمر بالالتحاق بالخبرة الطبية وندوز مع لجنة الانتقاء ».
وتابعت حسناء أنها غير نادمة عن قرار طلب الالتحاق لأنه حلم يراودها منذ الصغر، قائلة: « بالعكس ما ندمتش حيت هذا قرار خديتو وأنا صغيرة باش نلتحق بالصفوف العسكرية أو الشرطة وباقي الهدف دايراه بين عينيا وغادي نوصل ليه إن شاء الله ».
ووجهت حسناء رسالة تشجيعية إلى الشابات المغربيات، قائلة: « بالنسبة للبنات اللي حتى هما غادي يمشيو أنا كنشجعهم بحرارة لأنه قليل فين غادي تلقى ناس عندهم روح وطنية وباغين يدافعو على الوطن وكنقول ليهم إن شاء الله غادي نتلاقاو لأننا غادي نتجمعو في بلاصة وحدة ونكونو خوت وحباب وندوزو هداك العام مليء بالتجارب الجيدة والسعادة والفرح وبالتوفيق للجميع ».
