حلوة بالتمر هشيشة وكذوب في الفم

لالة مولاتي أم ريان كتقدم يكم حلويات ساهلة للعيد

مقادير

حلوة التمر

الحشوة
كيلو تمر معجون

ملعقة كبيرة قرفة

شوية كوزة محكوكة

2 م ك زبدة لينة

م ك سكر كلاصي

قبصة القرنفل مطحون

العجين

نصف كيلو زبدة

كأس الا ربع زيت بكاس العنبة نعبرو

2 بيضات

كأس عنبة ماء الزهر

1 خميرة الحلوى

كاس عنبة سكر كلاصي

دقيق حسب الخليط

طريقة تحضير حلوة التمر بالصور خطوة خطوة

نخلطو جميع مكونات الحشوة ونعملوهم كويرات صغار

كنخلطو الزبدة مع السكر كلاصي حتى ينساجم

نضيفو الزيت

والبيض وماء الزهر دائما مع الخلط باليد

ثم نضيفو الخمارة والدقيق بشوية بشوية حتى نحصلو على عجينة رطبة لا تلتسق في اليد

نشكلو كرة صغيرة من العجين ونضغط عليها باليد ونعملو وسطها كرة من التمر نجمعو طراف العجين على الحشوة ونغلقها بحيت نحصلو على كرة مثلالصورة

تنزينوها بمرشم على و نستفوها في لاطة الفرن تكون مدهون بالقليل من الزيت وندخلوها الفران حتى طيبمن بعد ما طيب نفدوها في السكر كلاص

وهاهي حلوة التمر واجدة

وبالصحة والعافية

مواضيع ذات صلة