رغيفات لرمضان كيجي مورق ورطب

• مقادير العجين:

كيلو طحين فورص
رابعة ديال طحين حرش
قبصة الملحة
شويية ديال الخميرة الخبز
معلقة صغيرة سنيدة
ماء دافئ

• للتوراق غنحتاجو

• زيت
  زبدة رطبة
  سميدة رقيقة او دقيق حرش

• طريقة تحضير :

نخلطو ونعجنو العجينة ديالنا و ندلكوها مزيان و ندهنوها بالزيت و نخليوها ترتاح واحد 10 دقائق.

نديرو كويرات صغار

و نبداو في التوراق بأول كويرة وجدنا
نسرحو مزيان الكويرة ديالنا , حتى تولي تقريبا شفافة

نرشو السميدة الرقيقة او الدقيق الحرش و نفرتتو الزبدة
ونبداو نطويو في المسمنة ديالنا

نورقوالمسمنة و نرشو المقلة بشوية ديال الزيت غي رشة خفيفة
ونقلبو المسمنة ديالنا راه كايتنفخ و كايجي مورق و غزال

نكملو لكويرات ديالنا كاملين و من بعد نبداو في الطياب
و ملا حظة مهمة خاصنا نداو بأول مسمنة طوينا وهكدا بالترتيب حتى نوصلولآخر وحدة .
وديما نغطيو المسيمنات ديالنا بزيف باش ابقاو رطبين.
وهاهو مسمن مورق وغزال واجد

ملاحظة:

الى كنتو باغيين توجدو كمية كبيرة وتحتافظو بها في المجمد، ماتخليوهاش تتحمربزاف باش نهار تبغيو تسخنوه يكمل التحمار ديالو و كايجي رطب بحال الى عاد وجد.

بالصحة والراحة.