سرديين مشوي كيجي شهوة منو
-
المقادير:
كمية من السردين يكون جديد
كمون
ملح
زيت زيتون
بصل
-
الطريقة:
اولا نغسلو السردين مزيان ونزلو ليه السنسول والشوك نسقطروه مزيان مزيان، نحكو البصلة فالحكاكة الرقيقة، نضيف ليها الملح والكمون ونخلطو مزيان ثم نضيف زيت الزيتون، وهاهي الشرمولة واجدة، نشرملو السردين ديالنا وحدة فوق وحدة ونخليوهم ساعة على الأقل عاد نطيبوهم.
الى غطيبيهم فالشواية، دهنيهم بالزيت البلدية ودهني الشواية كذلك وفاش يطيبو تكوني مشعلة طريف ديال الفاخر على البوطة حطيه فطبيسيل صغير وكبي عليه الزيت وبسرعة سدي عليهم باحكام وخليهم 15د ياخدو نسمة الفاخر.
الى غنطيبوهم في الفرن ندهنو مزيان اللاطة بالزيت البلدية، نحطو السمك ديالنا، ونكبو شوية الزيت البلدية فيدينا ونوزعوها على سطح السمك باش يتدهن مزيان، ندخلوه للفرن لما يطيب نعملو ليه الفاخر، قدمي السمك ديالك مع سلطة خضراء وتكتوكة او زعلوك وبالصحة والراحة.
