سيكار أو صبيعات بالدجاج والخضر لذاذ

• المقادير:

نصف كيلو صدر الدجاج مسلوق فالماء
مع بصلة و قليل من المعدنوس
وإبزار وملح ومعلقة زيت
فلفلة خضرة مقطعة على الطول
2 جزرات صغار مقطعين على الطول رقاق
بزار ملح
طرف زبدة
و معلقة كبيرة صوجا

• الطريقة:

نشحرو الفلفلة و الجزر مع الزبدة و الملحة و البزار(نقدرو نزيدو شوية ديال الماء ربع كأس متلا) منين يدبلو مزيان نزيد عليه صدر الدجاج مفرتت ونضيف الصوجة نخلط واحد الدقيقة و نطفي النار هنا نفضل نديرهم سيكار باش ميخدوش الوقت و لكن ايلا يبيتي ديريهم بريوات يمكنلك تقطعي فلفلة مربعات والجزر حكيه فالحكاكة لغليضة و دجاج قطعيه الصغير تم نقلي السيكار أو الصبيعات في زيت ساخن، بالصحة والراحة.

مواضيع ذات صلة