فاتي جمالي: الناس كتركز على التفاهات… لا أنا لا زياش كل واحد فينا مركز فحياتو
علقت الفنانة فاتي جمالي مرة جديدة، على الخلاف القائم بينها وبين الدولي المغربي حكيم زياش، والذي أثار جدلا كبيرا على مواقع التواصل الاجتماعي.
وفي تصريح لموقع « إي تي بالعربي »، أبدت جمالي استغرابها من الضجة التي لاحقت الفيديو الذي نشرته وانتقدت فيه الطريقة التي تصرف بها زياش معها في إحدى مراكز التسوق في دبي.
وقالت: « الناس كتركز على التفاهات عوض التركيز على المواضيع الجريئة اللي كتخص المرا والأم واللي غادي يفيدو الأجيال الجاية ».
وتابعت: « ما تعمقتش فداك الشي بزاف وكنظن أنه لا أنا لا زياش كل واحد فينا مركز فحياتو وكنتمنى أن الناس يركزو فالحياة ديالهم والحاجة اللي غادي تفيدهم ».
واسترسلت: « كاينين بزاف ديال اللعابة فالمنتخب المغربي اللي خلوقين وكيلعبو على ود العلم الوطني وأنا كنكن ليهم كل الحب والاحترام ».
وقالت جمالي في فيديو عن اللقاء الذي جمعها بزياش: “اليوم بالصدفة تلاقيت مع أكبر متكبر في حياتي، وهو لاعب مغربي”.
وأضافت؛ “كنت أنا وصحاباتي فالمول ماشي مغربيات، وكان حدايا شفت فيه وقلت ليه هاي وهو يخنزر فيا، ومشى عندو واحد الولد مغربي حتى هو قمعو، السيد ماشي نورمال”.
وتابعت: “ملي مشيت للأوطيل لقيتو قدام الباب قلت ليه حشومة هاد الشي اللي درتي وهو يعايرني”.
وواصلت: “آش كيحساب ليه راسو، واش ما فخباروش بلي كانو لعابة أباطرة قبل منهم ومن بين ليلة ونهار بسبب الغرور ديالهم ما بقى عندهم حتى ريال وفآخر حياتهم ما بقى عندهم ما ياكلو، أنا بقى فيا غير داك الولد اللي قمعو”.
