كرواصة سهلة بالكريم باتيسيير والليمون

المقادير وطريقة التحضير في نفس الوقت.

في خلاط كهربائي نضع كأسين من الماء الدافئ، نصف كأس سنيدة، ملعقتين من خميرة الخبز، خمارة حمراء، قرصة ملح، فاني، كأسين دقيق الفرص مغربل.

كنخلطو كلشي مزيان ونخليوه يرتاح لمدة 10 دقائق،نضع الخليط فقصرية ونضيف له نصف كأس من زيت المائدة ودقيق الفرص حتى تجمع العجينة، وتكون مرخوفة، نضيف قطعة الزبدة (كيما فالصورة)، ندخلوه شوية بشوية وفي نفس الوقت كندلكو لعجية، نقسموها على جوج ونخليوها ترتاح لمدة 15 دقيقة.

كنطلقوها بالدلاك ونقطعوها بالموس، ونحطو لكريم باتسيير اللي سبق لينا حضرناها بالطريقة التالية:

فكسرونا وفوق نار مهيلة، كنديروا كأس كبير من عصير الليمون + 02 معالق كبيرة كريم باتسيير غبرة + ثلاثة معالق سنيدة + قليل من روح الليمون إلا ماكانش بلاش، كنحركو الخليط حتى يعقاد ونصبوه في مول سيليكون وندخلوه لمجمد.

كنلويو كرواصة ونرتبوها في لاطة مدهونة بالزيت ونخليوها تخمر، ملي يتضاعف الحجم ديالها ندهنوها بصفار بيضة مع شوية ديال الخل وندخلوها الفرن.

كتجي رطبة وخفيفة بالصحة والراحة.

مواضيع ذات صلة