لالة مولاتي: ضلعة معمرة من شهيوات العيد من عند لالة مولاتي أم بنين

لالة مولاتي: ضلعة معمرة من شهيوات العيد  من عند لالة مولاتي أم بنين

مقادير ضلعة معمرة:  

ضلعة غنمي

-قليل من الزعفران حر

– قليل من الإبزار الأبيض

-قليل من الملح

مقاديرالحشو : 

زلافة صغيرة لوز مسلوق ومفسخ ومحمر ومطحون

-زلافة صغيرة جوز محمر في الفرن نحكو شوية باش تزول منو القشرة ونطحنو

-نصف زلافة زبيب أبيض مرطب

-3معالق كبار زبدة

-2معالق كبار سكر كلاصي

-قليل من المسكة الحرة

-ربع كاس ماء زهر

-ملح.

تحضير الحشو :

فوق النار في مقلاة ندير الزبدة ونضيف اللوز والجوز وماء الزهر والسكروالمسكة

وقليل من الملح ونخلط كل العناصر ثم نزولها من فوق النار ونخلط معها  الزبيبمزيان وها الحشو واجد.

أولا ناخد الضلعة ونفتحها من بين الكتف والضليعات ونرشها من الوسط بالإبزار

والملح والزعفران اللي دكرت في الأول ونعمرها بالحشو وخيطتها بالإبرة والخيط .

مقادير المرق :

زلافة شرائح البصل الأبيض رقيقة

-ملعقة كبيرة سمن بلدي

-ربيطة أعواد القزبر

-عويدات القرفة 2 حتى ل3

– نصف ملعقة صغيرة بزار أبيض

– نصف ملعقة صغيرة سكين اجبير

-قليل من الزعفران حر مدقوق

-2معالق كبار زبدة

طريقة تحضير ضلعة معمرة 2 : 

أولا في صحن صغير ناخد من مقاديرالمرق شوية سمن وشوية زبدة وقليل من الابزار وسكين اجبيروالملح وقليل من الملون ونخلطهم على شكل كريم .

ثم ندهن الضلعة المحشوة من الخارجومن بعد ندير الطنجرة على النار وأضع فيها الزبدة والسمن والبصلة والابزار.

وسكين اجبير والملح وقليل من الملون وملي البصلة تنزل نحط الضلعة ربيطة اعواد القزبر وعويدات القرفة وشعيرات زعفران ونمرق

ونخليه يطيب على خاطر خاطرو تحت المراقبة والى خصا لمرق نضيفو حتى تطيب الضلعة وندهنها بالزبدة وندخلها

للفرن تتحمر في حين المرق ديالي نخليه يعقاد ويتعسل . وهاهي الضلعة واجدة قدمتها مرفوقة بالتمر اللي رشيتو بماء الزهر ودخلتو

للمكروند يطيب شوية وعمرتو باللوز مفسخ و مقلي.

بالصحة و الراحة.

مواضيع ذات صلة