لالة مولاتي عجين ديال بيتزا تيصدق من أول مرة
للعجين:
رابعة دقيق الفورص
2معالق كبار زيت الزيتون
شوية خميرة الخبز
شويةزعتر
قبصة الملح
كنجمعو هادالمكونات بالماء دافئ وكنغطيوها بلاستيك غذائي وكنخليوها ترخف شوية
للحشوة:
في كاسرونة على نار متوسطة كتقطعي فلفةحمرا+ فلفة خضراء+ 3مطيشات محكوكين+شويةالزيت+معلقة كامون +شوية إبزار+شوية الملح+ معلقةصغيرة
تحميرة حلوة كنحرك الكل ونضيف معلقة من ماطيشة الحك نحركهم ونزيدهم نصف كأس ماء ونغطيهم حتى ينشفو من الماء.
نمشيو العجين نرشو بدقيق ونورقها مزيان ونبسطوها في صنية خاصة بالفرن ونجمع الجوانب شوية باش تجي مقادة من بعد نتقبوها بشوكة من كل الجهات
ونضيفو مباشرة الحشوة من بعد مابردات ونوزعها على العجين كامل من بعد نضيفو أي حشوة طون أو كفتة لي منوفرعندنا نزينوبزيتون الأسود بلا علفة ونحكو
ومن الفوق الفروماج الأحمر أو الموتزاريلاوزعتر محكوك ونعملو خيوط من الزيت البلدية وندخلها لفران وبصحة وراحة.
