لذيذة وشهية.. كعكة بالقرفة والزنجبيل

المكونات:
4 بيضات
كأس ونصف سكر سنيدة
كأس زيت دايما نعبروا بكاس عنبة
كأس ياغورت
قبصة ديال الملح
كأس ديال التمر رطب مقطع
كأس ديال الكركاع مقطع
نصف كأس تاع الشكلاط حبيبات أو نقطعو الشكلاط طريفات صغار
ملعقة صغيرة سكينجبير طري محكوك
ملع ونصف صغيرة ديال القرفة
3 خمارات
1فاني
2 كيسان عنبة عامرين طحين فورص

الطريقة:
كانخدموا البيض كنطربوه مزيان مع السكر من بعد نعملو الزيت شوية بشوية على شكل خيوط ونطربو الياغورت وفاني والملح.

من بعد نضيفو التمر والكركاع والسكينجبير طري والقرفة وشكلاط ونعملو الدقيق مع الخمارات ونحركو الكل حتى ينساجم الخليط ونعملو الكيك في المول اللي بغيتي ندهنوه قبل.

نحطو فيه الخليط وندخلوه الفرن من بعد من تخرج من الفرن ونزوقوها على طريقة اللي بغيتي.

ممكن تقدمي الكعكة عادية أو تدهنيها بالعسل أو بالشكلاط أو كراميل وترشيها باللوز أو كاوكاو أو كركاع حسب الرغبة.

مواضيع ذات صلة