هند بنجبارة: أنا بنت حي شعبي وماشي مدلولة… ونهاية « المكتوب » غادي تعجب المشاهدين وتفاجئهم
شدت الممثلة الشابة هند بنجبارة بشخصيتها « هند » في المسلسل الرمضاني « المكتوب »، أنظار المشاهد المغربي.
وأتقنت بنجبارة دور ابنة « شيخة » الذي تؤديه الممثلة دنيا بوطازوت، وتفاعل كثيرون مع أدائها وأشادوا به.
وفي تصريح لموقع « لالة بلوس »، عبرت بنجبارة عن سعادتها الكبيرة بالتفاعل الإيجابي مع الدور الذي جسدته في مسلسل « المكتوب »، وأجابت عن مجموعة من التساؤلات حول العمل.
كنتي كتوقعي نجاح المسلسل؟
قالت بنجبارة: « الصراحة فاللول فاش وصلني السيناريو كنت كنقول العمل غادي ينجح، والتطور ديال الأحداث، والتيمة ديال العمل اللي هي الحب، هادي كلها كانت مسائل إيجابية ساهمت فنجاح المكتوب ».
شنو النقط المشتركة بين هند بنجبارة وشخصية هند فالمكتوب؟
أكدت بنجبارة في الاتصال ذاته أن هناك العديد من القواسم المشتركة بينها وبين شخصية « هند » في « المكتوب ».
وقالت الممثلة الشابة: « أنا كبرت فوسط متوسط وشعبي فحال هند ما كبرتش فالفيلا والوفاء اللي فهند فيا حتى أنا وفية فعلاقاتي وفالحب وحتى فالصداقات ديالي ».
وأضافت: « ومن النقط المشتركة لاخرا هي أن حتى أنا كتجمعني علاقة قريبة بالأم ديالي ».
تعليقك على الناس اللي قالو عليك « مدلولة » في بداية عرض المسلسل؟
ردت بنجبارة ضاحكة على هذا السؤال، وأبدت استغرابها من الانتشار الكبير لهذا الوصف على مواقع التواصل الاجتماعي.
وأكدت أنها تلقت هذا التعليق وغيرها من التعليقات بصدر رحب.
شنو سر الانسجام الكبير بينك وبين دنيا بوطازوت؟
بخصوص هاد السؤال، قالت بنجبارة: « أنا وبوطازوت سبق لينا واشتغلنا فـ »كلنا مغاربة » ».
وتابعت: « دنيا إنسانة محترفة ما كتبخلش عليك بالنصيحة كانت عندنا رغبة كبيرة فأن الكوبل ديالنا ينجح وفالكواليس ديما كنا كنجلسو مع بعضياتنا ».
كيفاش غادي تكون نهاية « المكتوب »؟
قالت بنجبارة: « أنا كنحترم الناس اللي كيديرو سيناريوهات محترمة حول نهاية المكتوب وتفاجئت بإبداعاتهم… اللي ممكن نقول للناس النهاية غادي تعجبهم ومفاجئة ومازال حتى شي مشاهد مع طاح عليها مي كاين وحدين قربو ليها ».
