والد اللاعب عبد الحق نوري: الهضرة اللي كتروج باللي ولدي فاق من الغيبوبة غي زايدة
كشف والد عبد الحق نوري حقيقة ما راج في بعض الصفحات على مواقع التواصل الاجتماعي بخصوص جديد الحالة الصحية لابنه، الذي كان قد تعرض إلى سكتة قلبية خلال مباراة ودية في النمسا، يوم 8 يوليوز سنة 2017، والتي جعلته يعاني من أعراض خطيرة ودائمة على مستوى الدماغ وغيبوبة طويلة الأمد.
وقال والد عبد الحق نوري في تصريح لموقع “لالة بلوس”، “اليوم تفاجأت بشي خبار خرج فشي جريدة ومواقع التواصل الاجتماعي، والناس بزاف كيتصلو بيا من داخل الوطن وخارج الوطن، أنا باش نصحح الهضرة اللي قالو هاد الناس عبد الحق فاق من الغيبوبة هادي 5 سنين والزيادة الحمد لله، اللي وقع هو أنه تحسن ذهنيا يعني الطريقة باش كان كيتجاوب معنا فالبداية كانت بطيئة والحمد لله دابا بسرعة هذا فضل من عند ربي”.
وشدد على أن “داك الشي اللي كيروج كلو هضرة زايدة”.
وتابع “تفاجئنا بهاد الشي التيليفون ما سكتش من الاتصالات الصراحة الفتنة ما مزياناش واللي بغى يكتب شي حاجة يتحقق مني ومن عند الأبناء ديالي”.
وتمنى والد عبد الحق الشفاء لابنه وجميع المرضى خلال شهر رمضان الكريم.
وداد القاسم
