في عيد الأم.. فاتي جمالي تعري واقع المطلقات وتوجه رسالة إلى وزير العدل « أين هي المساواة؟ »! (صورة)

وجهت الفنانة فاتي جمالي رسالة إلى وزير العدل عبد اللطيف وهبي، في يوم عيد الأم (29 ماي)، تطالبه فيها بتحقيق المساواة بين الجنسين وتعديل الحقوق المتعلقة بقضايا الأسرة.

ونشرت جمالي على حسابها الرسمي على إنستغرام، صورة مكتوب عليها « أنا ما بغاش نحتفل بعيد الأم باغا نحتفل بحقوق الأم ».

وأرفقت جمالي الصورة بتدوينة طويلة جاء فيها: « عيد أم سعيد… الأم ما محتاجاش نهار نكتبوا ليها جملة ف مواقع التواصل الإجتماعي المرأة والأم محتاجة نعطيوها أبسط حقوقها محتاجة المساواة لي ديما كنت كنسمع عليها ولكن مع الأسف مكيناش، إيلا كنت أنا كأم معنديش الحق ناخد بطاقة وطنية ولا جواز السفر متعلقة بولدي لي مجرد أنني مرأة ولكن الرجل يقدر يخدو بلا موافقة الأم (أين هي المساواة) كيقولك لا مرأة تقدر تهرب بولدها على مشاء الله شحال من راجل هرب بولادو وخلا المرأة غدي تحماق، أنا مع الساواة الحق لي تعطي لأب عطيه الأم ».

وأضافت: « أنا كأم حملت وتوحمت وتكرفصت فالحبالة وفالولادة وفرضاعة (بحال كل الأمهات ) وتكرفصت فطلاق وعندي الحضانة إتفاقيا وأنا لي كنضرب تمارة على ولدي وكنصرف عليه بحالي بحال بزاف الأمهات المغربيات القادات لي تهز ولادها بسنانها خصني تتسنى ورقة من عند الراجل حيت الحيوان المنوي ديالو (بلاما تصدموا من الجملة لأنو هدا هو الواقع ) أنا ماعنديش مشكل مع الشخص قد ما عندي مشكل مع القانون لي خصو يعطيني قيمتي فالمجتمع منذو شهور ولدي بلا أوراق و دابا خصني نطلع ونهبط فالمحاكم باش ناخد هد الحق لمجرد أني مرأة ».

وتابعت جمالي: « كنتمنى من وزير العدل السي « عبداللطيف وهبي » كوزير عدل وحقوقي لي كان مهتم بالقضايا الأسرية، المهنية وحقوق الإنسان يعطي الأم حقها أكيد المشكل ديالي بسيط بالنسبة المشاكل أخرى لي كتواجه الأم لأنها مجرد إمرأة في مجتمع ذكوري ».

واسترسلت: « ولكن صعيب تكوني كديري كاع المهام الحياتية وتعتابري راسك قوية وراجل ونص وفالآخر تلقاي راسك غير زايدا فهاد الكرة أرضية منذ شهور وفمي كياكلني باش نهدر على الموضوع وكنت ديما كنتردد ولكن عيد الأم استفزني. أخيرا الأم هي أمك أختك وبنتك ولكم واسع النظر ».

وعبرت نساء في تعليقاتهن على منشور جمالي، عن اتفاقهن مع كلامها، حيث أبرزن أنها عرت عن الواقع الذي تعيشه مجموعة من النساء المطلقات.

مواضيع ذات صلة