نفت حيازتها للمخدرات.. اعترافات منة شلبي بعد إحالتها للمحكمة الجنائية
كشفت وسائل إعلام مصرية عن اعترافات النجمة الشابة منة شلبي، بعدما أمرت النيابة المصرية بإحالتها للمحاكمة الجنائية، بتهمة حيازة مواد مخدرة بقصد التعاطي.
ونفت شلبي في التحقيقات التي أجريت معها معرفتها بالمضبوطات، مؤكدة أن حقيبتها تم تفتيشها في غرفة بعيدة عنها، وأنها كانت تحمل أدوات تجميل وليس كما قيل إنها مواد مخدرة، مبينة أن كل ما كانت تحمله أداة تدخين « فيب » فقط.
وقالت شلبي إنها كانت في نيويورك لحضور مهرجان « انتر ناشيونال »، وأثناء عودتها للبلاد تم احتجازها في غرفة الأمن وقتها.
وتابعت: « وأنا في مطار القاهرة عديت على الجمارك، وأنا خارجة وكان معايا 3 شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه، ولقيت واحد من اللي واقفين في الجمرك بيقولي معاكي سجارة إلكترونية، فأنا قولتله إني بدخن VAPE، وكنت بفتح الشنطة علشان أوريله الفيب، فلقيت واحد تاني جه وقالي إحنا هنفتح بقية الشنط نشوفها وأنا وافقت وقولتله اتفضل، وقعد يقلب في الشنط وبعدين أتى واحد ثالث كان بيفتش معاهم وأنا طلعت السجاير الإلكترونية وواحد منهم قالي ممكن تقعدي شوية ووداني غرفة في الجمارك قعدت فيها شوية والشنط كانت معاهم في الوقت ده ».
وتابعت: « لقيت ناس كتير وضباط مطلعين علبة مكياج لونها أخضر بيقولولي إن دي فيها ماريغوانا فقولتله مفيش الكلام ده مش صح وده مكياج عادي بعدين لقيته بيقولي معاكي كوكايين، قولتله أنا مش بشرب الحاجات دي أصلا وبعدين قالولي طيب استني شوية، وبقيت سامعة کلام کتیر برا، وبعد ساعتين ثلاثة لقيتهم بيقلولي اطلبي المحامي بتاعك فبقولهم إيه اللي حصل، قالولي إنتي معك ماريغوانا، وبعدين قالي إنتي هتتعرضي على النيابة، في الوقت ده أنا كنت قاعدة فلقيت أخبار نازلة إني مقبوض عليا ومعايا مخدرات وفضلت هناك لحد لما جيت هنا واتعرضت على النيابة ».
وكانت النيابة المصرية، أمرت الأربعاء، بإحالة الفنانة منة شلبي للمحاكمة الجنائية بتهمة تعاطي المخدرات.
